Gjuha e shenjave është një gjuhë që ndryshon nga gjuha e folur. Një pjesë e personave që nuk dëgjojnë kanë vështirësi për të lexuar buzët shpeshherë sepse njohin vetëm gjuhën e shenjave dhe jo atë të folur apo të shkruar.
Ndërsa disa të tjerë kuptojnë mire gjuhën e folur dhe të shkruar, por kanë nevojë të lexojën buzët ose të përdorin amplifikatorë për të kuptuar më mirë.
Personat që kanë humbur dëgjimin në moshë të rritur zakonisht nuk e përdorin gjuhën e shenjave. Ata që kanë impiantë kokleare zakonisht tregojnë vetë si preferojnë të komunikojnë.
Kur informacioni është i komplikuar, zgjidhja më e mirë është që të komunikohet përmes një interpreti të gjuhës së shenjave. Edhe me shkrim është një mënyrë e mirë.
Personat me aftësi të kufizuara në dëgjim
Në shoqërinë e interpretit, duhet të shihni dhe të pyesni direkt personit që nuk dëgjon dhe jo interpretin.
Mundohuni të kuptoni se cila është mënyra e preferuar e personit që nuk dëgjon për të komunikuar. Kur nuk kuptoni të folurën, njoftojeni që nuk e kuptoni.
Para se të flisni me një person që nuk dëgjon, sigurohuni që personi e ka kuptuar që dëshironi të flisni. Mund ta prekni lehtë në shpatull, mund t’ia bëni me dorë, ose me anë të ndriçuesve.
Kur vini re që personi që nuk dëgjon nuk po kupton, formulojini fjalitë ndryshe, mos përsëritni atë që keni thënë.
Kur flisni me një person që nuk dëgjon, është optimale që biseda të zhvillohet në një mjedis të qetë dhe të ndriçuar.
Personat me aftësi të kufizuara në dëgjim
Duhet të flisni qartë, pasi një pjesë e personave që nuk dëgjojnë sikurse u tha më lart mund të lexojnë buzët që të kuptojnë më mirë. Prandaj, mos mbuloni buzët kur flisni.
Nuk është e nevojshme të çoni zërin, pasi personat që kanë apparat e kanë të rregulluar në nivelin e duhur volumin. Ngritja e zërit mund t’i shtrembërojë informacionin.
Personat që nuk dëgjojnë shpesherë përdorin teknologji ndihmëse si TTY (Teletypewriter), që i shërben atyre si telefon, duke dërguar dhe marrë tekste gjithashtu telefonata me video, ku personi mund të ketë përkthyer të gjuhës së shenjave.
